शेवगाव तालुक्यात जनावरे गेली वाहून : सुमारे 40 कुटुंबांना पाण्याचा वेढा आखेगांव कोरडगांव भागात ढग फुटी सदृश परिस्थिती नदी काठच्या वरुर भगुर लांडेवस्ती जोहरापुर या गावाना पुराचा वेढा


शेवगाव तालुक्यात जनावरे गेली वाहून : सुमारे 40 कुटुंबांना पाण्याचा वेढा आखेगांव कोरडगांव भागात ढग फुटी सदृश परिस्थिती नदी काठच्या वरुर भगुर लांडेवस्ती जोहरापुर या गावाना पुराचा वेढा

शेवगाव प्रतिनिधी सज्जाद पठाण 

मंगळवार, 31 ऑगस्ट 2021


शेवगांव पाथर्डी तालुक्यातील डोंगर भागात जोरदार पाऊस झाल्याने पावसाचे पाणी वेगात ओढे, नदी, नाल्यांत झेपावले. त्यामुळे जिल्ह्यातील अनेक ओढे, नदी, नाले दुधडी भरून वाहत आहेत. त्यामुळे नदी काठी पूर स्थिती निर्माण झाली आहे.

पाथर्डी व शेवगाव तालुक्यातील डोंगरभागांत काल झालेल्या पावसामुळे शेवगाव तालुक्यातील नद्यांना पूर आला आहे. आखेगाव, खरडगाव, वरूर, भगूर, वडुले, ठाकूर पिंपळगाव या गावांत पूर स्थिती निर्माण झाली आहे. तालुक्यातील नंदिनी, चांदणी, वटफळी या तीनही नद्यांना पूर आला आहे. नदी पात्रापासून सुमारे पाऊण किलोमीटर अंतरापर्यंत पाण्याने अतिक्रमण केल आहे. या तीनही नद्यांचा संगम वरूर गावात होतो. तेथे तर हनुमान मंदिर, ग्रामपंचायत, जिल्हा परिषदेची प्राथमिक शाळा असा गावाचा परिसरात नदीचे पाणी पोचले आहे. नदीच्या पाण्याला वेग असल्याने नागरिकांचे प्राण संकटात आहे.पावसाचे पाणी अचानक आल्याने नदीकाठचे आखेगाव येथील २५ कुटूंब तर वरूर येथील म्हस्के वस्तीवरील काही कुटुंबे पाण्यामध्ये अडकले  आहेत. काहींची तर जनावरे वाहून गेली. ही सर्व कुटुंब भयभीत झाली आहेत. त्यांना वाचविण्यासाठी प्रशासन सज्ज झाले आहे.  *शेवगावच्या तहसीलदार अर्चना भाकड-पागिरे यांनी पैठण येथून बोट आणण्यासाठी प्रयत्न सुरू केले आहेत. तर ठाकुर पिंपळगाव येथील नदीच्या पुलावरून चाललेली ट्रक पाण्यात बंद पडली आहे. त्यात एक जण अडकला आहे. सर्व पिके पाण्यात गेली असून घरांचे ही मोठे नुकसान झाले आहे.*. शेवगांव तालुक्यातील 

ठाकूर पिंपळगाव  येथील भगिरथी नदीवरील पुलावर पहाटे तीन ते चारच्या सुमारास पुला वरून पाणी जात होते. अशा स्थितीत एकाने या पुलावरून ट्रॅक्टर नेण्याचा प्रयत्न केला. त्यामुळे त्याचा ट्रॅक्टर अडकला. पुराचे पाणी ट्रॅक्टरच्या वर आले. ट्रॅक्टर चालकाने ग्रामस्थांकडे मदतीची याचना केली. तो सकाळी साडेआठ वाजेपर्यंत टॅक्टरवरच उभा होता. अखेर सकाळी ग्रामस्थांनी दोरीच्या सहाय्याने त्याला बाहेर काढले. हवामान खात्याने आज अतिवृष्टीचा इशारा दिल्याने पाण्यामध्ये वाढ होण्याची शक्यता असून नागरिकांनी नदीकाठी राहु नये. उंच टेकडी व घरावरती जावून रहावे. पाण्यात अडकलेल्या जनावरांना मोकले सोडून द्यावे. असे आवाहन शेवगांवच्या तहसीलदार सौ.अर्चना भाकड-पागिरे,यांनी केले आहे पूरग्रस्त सुमारे दोनशे नागरिकांची राहण्याची आणि जेवणाची व्यवस्था महसुल प्रशासनाने तत्परतेने मदत पोहचविण्याचे काम केले

जाहिरात
Search
विडिओ
Recent News