केडगाव येथे सशस्त्र दरोड्या ; बंदुकीच्या धाकाने लुटले मोठे सोने


केडगाव येथे सशस्त्र दरोड्या ; बंदुकीच्या धाकाने लुटले मोठे सोने

अहमदनगर (प्रतिनिधी :संजय सावंत) नगर जिल्ह्यात सध्या दरोडेखोरांचा धुमाकूळ सुरू आहे. काल बुधवारी रात्री नगर शहराजवळील केडगाव येथील वैष्णवीनगर येथे रात्री उशिरा बाराच्या सुमारास ही घटली धाडसी दरोडा पडला. चार दरोडेखोरांनी रात्री घरात घुसून बंदुकीचा धाक दाखवून मारहाण करत पाच तोळे सोन्याचे दागिने ओरबाडून नेले. या घटनेने केडगाव परिसरात खळबळ उडाली असून नागरिकांमध्ये घबराट पसरली आहे.याप्रकरणी कोतवाली पोलीस ठाण्यात रमाकांत महादेव पराळे (वय 55) यांनी फिर्याद दाखल केली आहे. बुधवारी रात्री  बारा वाजेच्या सुमारास चार दरोडेखोर पराळे यांच्या घरात घुसले. यावेळी घराबाहेर झोपलेल्या पराळे यांच्या मेव्हण्यास बंदुकीचा धाक दाखवून दमदाटी केली.

 दुसऱ्या दरोडेखोरांने पराळे यांना बंदुकीच्या मागील बाजूने डोक्यात व पोटात मारहाण करून त्यांच्या गळ्यातील पाच तोळे वजनाची चैन काढून घेतली यावेळी अणखी एका दरोडेखोरांनी त्यांच्या पाठीला चाकू लावून पुन्हा लाथाबुक्क्यांनी मारहाण केली. या घटनेनंतर जिल्हा पोलीस अधीक्षक अखिलेशकुमार सिंह यांनी घटनास्थळी जाऊन माहिती घेतली.यावेळी कोतवाली पोलीस ठाण्याचे निरीक्षक प्रवीण लोखंडे यांच्या मार्गदर्शनाखाली पोलीस उपनिरीक्षक रणदिवे व पोलीस कर्मचारी तपास करीत आहेत. दरोडेखोरांच्या शोधासाठी पोलिस पथके रवाना करण्यात आली आहेत. दरम्यान जिल्ह्यात गेल्या दोन-तीन महिन्यांपासून लूटमार, दरोडे आणि खुनाच्या घटना वाढल्याने नागरिकांमध्ये घबराट पसरली आहे.

जाहिरात
Search
विडिओ
Recent News